روستای قره وانلو

ستار خان

شعر قره داغ

سوسنلی سونبوللو گوللو مئشه لی               هر  یئرده  دئییلر   آدین    قـــره داغ

ایگیدین   مـــــــرد   اولی   اوبان   وفالی               بیرلشیب ائل اوبان یادین قــره داغ

مرکز    اوزومـــــــــــــدل   اولوب   ورزقان               آرپاسی بوغداسی مرجیسی تالان

هــــر یئره  پایلئییر  یرآلما   سوغــــــــان                   گؤرمه لیدور هر اویااغین قــره داغ

ورزقــــــــــــانین    یانی   دیــــزه   لللی                 چؤللو بنفشه لی گوللو چیچکلی

صومـــــــدیل  جوانی  الی  صــــــنعتلی                   باش قوزاییپ بوغدا داغین قره داغ

پیر سقـــــــادان  آخیر اهرین  چــــــایی                      تمام گول چیچکدی باهـــاری یایی

کامتالین  داغینــــــــدا  وار  مومـــــیایی                       او اولاللار اوچــــــولارین قــره داغ

ایل  اوبان  بزئییر   یایـــلاغی  داغـــی                            جننته اوخشویار ایرینین باغـی

اوخـــاریا گلسن سن آخشـــام چاغی                         اوزه گولر آلــــــمالارین قـــره داغ

کاســـــــینین  کوشنی  بهشــــته  بنزر                         گویجه سلطان یئرین آغ قویون بزر

ورزقـــان  یئرینده  آت  گامیش  گــــــزر                        وار ساری قایماخدا دادین قره داغ

سنین اصلـــی آدیــن واردی کـــارا داغ                       مخــفف ائدیپــــلر  اولـــوپ قره داغ

چـــؤلـونده بوز سورو قـــولاغینــدا داغ                       چریشلرده ســـاری یاغین قره داغ

بیــــر تاریخدی سنه جوشون قلعه سی                     خویناری اوستونده وار قیز قالاسی

الینـــده  مسلسل ستــــــار بالاســــی                     قوچـــــاخدیر هر بیر اولادین قره داغ

اون سگیز محالسان چوخ آدلی سانلی                         بوغدالی یونجالی معدنلی کانلی

ایللـــــــرین یاشییر شهرتلی شانلـــی                               هر یانا پایلانیر بالین قره داغ

کلیبر اوستونــــــــــده بابک قالاســی                           ایگیدلر یوردودو وار تماشاسی

دؤشونـــــــده آرپیچی بابک قالاســـی                        دوشمنلرین تؤکدو قانین قره داغ

ساوالان سهندین آدی ســــــــانی وار                            سرعینن آخان سویون دادی وار

دره لر ده بال قوطوســـــــو بالی وار                         مشهوردو ساوالان بالین قره داغ

دیزمار بیر محالدی باغی میوه ســـی                         داغلاریننان گلیر کهلیگین سسی

اوچــــولار  گـــــودللر  اوون  بره سین                         شر شر آخار آراز چایین قره داغ

خــــــدافرین سنه بؤیوک دایاخـــدیر                           مرز ده کی ایگیدلرین قوچاخدیر

سنــــده یاشایانلار دایم اویاخــدیر                        قویماز گوله قانلی یاغین قره داغ

اوشتوبوندن گلیــــر گردکان یوکــــی                       مردانقیم انجیر ویریر سیل کیمی

داغلارینــــــدا گزیر اوو ایکی ایکــی                        گول چیچکدیر درن داغین قره داغ

مغانین غله ســی قویونی یاغــــی                              پنیری قورودو قاتیخ قایماغی

امـــلیک قوزولاری چمنـــی باغـــی                                اولوپ سنین افتخارین قره داغ

پامبیغی پایلانیر تبریـــــز تهرانــــــــا                                 جواب ویریر بوغدا اونی ایرانا

تراکتوررار هارای سالیــــــر هریانــا                                آباد ایدر کشت کارین قره داغ

مواضخان ماحالی بویوک جلگه دی                           خوجاسی سرندی آباد اؤلکه دیر

نهندی هیقی چوخ سئویملــــی دیر                             یادگاردی داغین داشین قره داغ

حسنـــو محالی گوللو مئشه لـــی                            پامبیخلی دویلی تر بنفشه لی

ماراللار یوردودو نازلــی عشوه لــی                          چوخلو سوور اؤز ایرانین قره داغ

زمستانیـــن   دؤندو  بــــاهارا   یازا                              گؤزلین  باتیبدی  عشویه   نازا

بخشی شرمندن دور سنه شعر یازا                         واردی سنین مین اوصافین قره داغ

قاراداغ اولکه سینین گور نئجه دیوانه سی ام

 

شعر از: محمد گل محمدی

قره داغ اهلی بیلیر من نئجه دیوانه سی ام

بابکین داش قالاسی، هم نبی کاشانه سی ام

ایسته دیم بیر کره ده سیره چئخام بو ماحالی

آیلارین هیجرانینا سون قویا بلکه وصالی

کونلومو چَن بورویوب دوغما دیاردان آرالی

آخی من خان آرازین قان دولو پیمانه سی ام

قاراداغ اولکه سینین گور نئجه دیوانه سی ام

سئومیشم زیره سی قار سهرامانی شاه داغئنین

باش بولاق اورتا قجللی قارالار یایلاغینی

مرد اگیت میدانینی طُرفه گؤزل اویلاغینی

داغئنی اصلانینی سئت قایادان لانه سی ام

قاراداغ اولکه سینین گور نئجه دیوانه سی ام

منی مفتون ائلیین ورزقانین حیواسی دیر

کیوانین آغ قیزیلی، مینجوانین بوغداسی دیر

بیر کلیبر زغالی، بیرده اهر آلماسی دیر

اوشتبین آغ نارینین قئرمزی شاهدانه سی ام

قاراداغ اولکه سینین گور نئجه دیوانه سی ام

بسله نیب تای حضره هر قارا گوز قئز گلینی

وئرمییب هر اوتن اغیار الینه پاک الینی

وئرمه رم یوز لادانه آی بنیزین بیر تئلینی

گول خانیم نازلی صنم گول پری، گول دانه سی ام

قاراداغ اولکه سینین گور نئجه دیوانه سی ام

بو ائلین صنعتینه،‌حکمتینه باش اوجادیر

چون جوان عاشیق حسین تک اولو شاعر یارادیب

افتخاریم او مرام عاشیقی صنعت کاریدیر

شاهدین داش اولان اوچ قارداشین افسانه سی ام

قاراداغ اولکه سینین گور نئجه دیوانه سی ام

سای حساب سیز بیلیرم کئچمیشینین قهرمانی

بیر مثل چون او وطن خادیمی ستارخانی

نبی تک چوخدی بئله خان بیه، قان اود دورانی

عاشیقی هر تکی ام قربانی هر دانه سی ام

قاراداغ اولکه سینین گور نئجه دیوانه سی ام

شعر گنجینه سی دی اوستاد عاشیق مسکنی دیر

خزرین حجمی قدر فولکلوریندان غنی دیر

شاعرین الهامی گوم گوی چمنی، گولشنی دیر

خان چوپان قوشماسی نین اینجه سی دردانه سی ام

قاراداغ اولکه سینین گور نئجه دیوانه سی ام

صحبت آچدیمسا دئیم تئللی سازین قدرتینی

مین کونول لر داشییر معنوی ائل ثروتینی

میللته دئلغمی آتدیقجا آنار قدرتینی

خان کرم مجلیسینین غم ائوی غم خانه سی ام

قاراداغ اولکه سینین گور نئجه دیوانه سی ام

بیر زمان باسقی ائدیب شاهلیق ائده نلر ائلیمه

خور باخیب دیر بایاتی قوشما گارایلی دیلیمه

او سببدن چکیلیب غم سه گاهین زابلیمه

بیر شکسته قره باغ ماهنی سنین زیل سسی ام

قاراداغ اولکه سینین گور نئجه دیوانه سی ام

دئیرم بیرده گوره یدیم او گوزل چاغلارینی

تویلی بایراملی بوتون کندلی اولماغلارینی

بهمن افسون ائده ن نغمه لی یئغناغلارینی

مرادین چالدیغی اول تئللی سازین شانه سی ام

قاراداغ اولکه سینین گور نئجه دیوانه سی ام

خالقینا ائتسه ستم ظالیم آغیر گون گوزاران

عکس ائدر ماهنی سینا شعرینه نفرتله اینان

ارتجاع ریشه سینه اودلی قلم ضربه ووران

ستارین سرمایه شعرینده کی تازیانه سی ام

قاراداغ اولکه سینین گور نئجه دیوانه سی ام

دینله اشعاریمی ای خالقلارا ظلمت توره دن

ایسته یب هر بیر عوام خلسه سایاق عقلی گؤده ن

بابکین اولکه سینه سورسه خلافت یئنی دن

شمشیره ال آپاران شاعره مردانه سی ام

قاراداغ اولکه سینین گور نئجه دیوانه سی ام